حیدر علی آتش

فریب حسن سے گبر و مسلماں کا چلن بگڑا
خدا کی یاد بھولا شیخ بت سے برہمن بگڑا
تری تقلید سے کبکِ دری نے ٹھوکریں کھائیں
چلا جب جانور انساں کی چال اس کا چلن بگڑا
پیشتر حشر سے ہوتی ہے قیامت برپا
جو چلن چلتے ہیں خوش قد یہ چلن ہے کس کا

مصحفی غلام ہمدانی

آخر کو ہمیں ظالم پامال کیا تو نے
اندیشہ ہمیں دل میں تیرے ہی چلن کا تھا

مصطفیٰ زیدی

غمِ دوراں نے بھی سیکھے غمِ جاناں کے چلن
وہی سوچی ہوئی چالیں وہی بے ساختہ پن

الطاف حسین حالی

واعظ اک عیب سے تو پاک ہے یا ذاتِ خدا
ورنہ بے عیب زمانہ میں چلن کس کا ہے

حسرت موہانی

حیرت غرورِ حسن سے شوخی سے اضطراب
دل نے بھی تیرے سیکھ لیے ہیں چلن تمام

شاذ تمکنت

ابھی کیوں کر کہوں زیرِ نقاب سرمگیں کیا ہے
بدلتا ہے زمانے کا چلن آہستہ آہستہ
خوار و رسوا تھے یہاں اہلِ سخن پہلے بھی
ایسا ہی کچھ تھا زمانے کا چلن پہلے بھی
خراب ہوں کہ جنوں کا چلن ہی ایسا تھا
کہ تیرا حسن مرا حسنِ ظن ہی ایسا تھا

مجروح سلطان پوری

نوا ہے جاؤداں مجروحؔ جس میں روح ساعت ہو
کہا کس نے مرا نغمہ زمانے کے چلن تک ہے