حیدر علی آتش

مقام تک بھی ہم اپنے پہنچ ہی جائیں گے
خدا تو دوست ہے دشمن ہزار راہ میں ہے

داغ دہلوی

ہر بار مانگتی ہیں نیا چشمِ یار دل
اک دل کے کس طرح سے بناؤں ہزار دل
اس کی تلاش ہے کہ نظر آئے آرزو
ظالم نے روز چاک کیے ہیں ہزار دل
اے عندلیب تجھ کو لگے کب ہوائے عشق
کلیوں کی طرح تجھ میں نہ پھوٹے ہزار دل
ان کے اک جاں نثار ہم بھی ہیں
ہیں جہاں سو ہزار ہم بھی ہیں

مصطفٰی خان شیفتہ

تھا کیا ہجوم بہرِ زیارت ہزار کا
گل ہو گیا چراغ ہمارے مزار کا

مومن خان مومن

سیاہ رو نہ کرے ترکِ الفت گلفام
میں بوالہوس کو دکھاؤں ہزار آئینہ

فیض احمد فیض

جنوں میں جتنی بھی گزری، بکار گزری ہے
اگرچہ دل پہ خرابی ہزار گزری ہے

مرزا رفیع سودا

ویسے ہی کاہے یہ کام گل رو
عاشق ہی نہ گو ہزار ہووے

جون ایلیا

تیرے جاتے ہی اس خرابے سے
شور گریہ ہزار اٹھتا ہے

قمر جلالوی

یہ دیکھنے ، قفس میں بنی کیا ہزار پر
نکہت چلی ہے دوشِ نسیم بہار پر
تمھاری رسوائیوں کے ڈر سے نہ کیں جنوں آشکار باتیں
اگر گریباں پہ ہاتھ جاتا تمھیں سناتے ہزار باتیں
مری محبت سے جلنے والے لگاتے ہیں دو چار باتیں
یقین کس کس کا تم کرو گے ہزار منہ ہیں ہزار باتیں
سب نے کیے ہیں باغ میں ان پر نثار پھول
اے سرو آ تجھے بھی دلا دوں ہزار پھول