حیدر علی آتش

صلح کی دل سے ہیں یاں مصلحتیں
واں سر جنگ رہا کرتا ہے

مصحفی غلام ہمدانی

تجھ کو اسیر گردشِ ایام نے کیا
چوب قفس سے کرتی ہے کیوں جنگ عندلیب

باقی صدیقی

زخم دلِ بیتاب ہے ہاتھوں میں نوالہ
اس بات پہ دنیا سے مری جنگ نہیں کیا

عرفان صدیقی

میرا دشمن مرے سینے سے اترتا ہی نہیں
غالباً حوصلۂ جنگ بہت ہے مجھ میں
حریف تو سپر انداز ہو چکا کب کا
درونِ ذات مگر محوِ جنگ سا کچھ ہے

عزیز حامد مدنی

صورت زنجیر موجِ خوں میں اک آہنگ ہے
آ گہی کی حد پہ اک خواب جنوں کی جنگ ہے