حیدر علی آتش

اے جنوں کوہ و بیابان بھی دکھلا مجھ کو
رہیں پستی و بلندی سے خبردار قدم

داغ دہلوی

پاؤں‌ پر ان کے گرا میں‌ تو کہا
دیکھ ہشیار خبردار یہ کیا
نہ جاؤ بند کیے آنکھ رہروان عدم
ادھر ادھر بھی خبردار دیکھتے جاؤ

جگر مراد آبادی

تا دیر نہ ہو دل بھی خبردار محبت
اک یہ بھی ہے انداز فسوں کارِ محبت

عرفان صدیقی

سیاہ چشم‘ مری وحشتوں پہ طنز نہ کر
میں قاتلوں سے خبردار رہنا چاہتا ہوں

الطاف حسین حالی

چشمِ بد دور بہت پھرتے ہیں اغیار کے ساتھ
غیرتِ عشق سے اب تک وہ خبردار نہیں

جوش ملیح آبادی

بے ہوشیوں نے اور خبردار کر دیا
سوئی جو عقل روح نے بیدار کر دیا

سیماب اکبر آبادی

دل تیرے تغافل سے خبردار نہ ہو جائے
یہ فتنہ کہیں خواب سے بیدار نہ ہو جائے

فراق گورکھپوری

ہر فریب غمِ دنیا سے خبردار تو ہے
تیرا دیوانہ کسی کام میں ہشیار تو ہے