حیدر علی آتش

اونٹ سی لگتی ہے دل جنگل سے ہوتا ہے اچاٹ
سنگ طفلاں کرتے ہیں مجھ کو اشارے شہر سے

جگر مراد آبادی

حسن کی بے نیازیوں پہ نہ جا
بے اشارے بھی کچھ اشارے ہیں

جمال احسانی

سنتے ہیں وہ شخص تو گھر ہی بدل گیا
پھر یہ دل آویز اشارے کس کے ہیں

ضیا جالندھری

مجھے اس بزم میں کہنا تو بہت کچھ تھا ضیاؔ
بجھ گئے لفظ جب آنکھوں کے اشارے دیکھے

تلوک چند محروم

تیرے اک تبسم سے روح زندگی شاداں
کام ہے تمام اس کا تیرے اک اشارے میں

حفیظ جالندھری

یاران بزم جرأتِ رندانہ کیا ہوئی
ان مست انکھڑیوں کے اشارے کہاں گئے

شکیل بدایونی

پہنچائی کس نے دعوت مے اہل زہد کو
شاید تری نظر کے اشارے چلے گئے
کہیں حسن کا تقاضا کہیں وقت کے اشارے
نہ بچا سکیں گے دامن غمِ زندگی کے مارے

اکبر حمیدی

ترا آنچل اشارے دے رہا ہے
فلک روشن ستارے دے رہا ہے

اقبال ساجد

وہ بولتا تھا مگر لب نہیں ہلاتا تھا
اشارہ کرتا تھا جنبش نہ تھی اشارے میں