حیدر علی آتش

بلبل گلوں سے دیکھ کے تجھ کو بگڑ گیا
قمری کا طوق سرو کی گردن میں پڑ گیا
درماں سے اور درد ہمارا ہوا دو چند
مرہم سے داغ سینہ میں ناسور پڑ گیا
پہنچا مجاز سے جو حقیقت کی کنہ کو
یہ جان لے کہ راستے میں پھیر پڑ گیا
پاتا ہوں شوقِ وصل میں احباب کی کمی
حسن و جمالِ یار میں کچھ فرق پڑ گیا
آتشؔ نہ پوچھ حال تو مجھ درد مند کا
سینہ میں داغ داغ میں ناسور پڑ گیا

آنس معین

اس بند گھر میں کیسے کہوں کیا طلسم ہے
کھولے تھے جتنے قفل وہ ہونٹوں پہ پڑ گئے