حیدر علی آتش

جگر کو داغ میں مانند لالہ کیا کرتا
لبالب اپنے لہو کا پیالہ کیا کرتا
بچا کیا اسے توڑا جو سر سے دریا کے
حباب لے کے یہ خالی پیالہ کیا کرتا
کسی نے مول نہ پوچھا دلِ شکستہ کا
کوئی خرید کے ٹوٹا پیالہ کیا کرتا

باقی صدیقی

دل کا حریفِ مے کا پیالہ نہ ہو سکا
وہغم ملا کہ جس کا ازالہ نہ ہو سکا
زہر کا ذکر کیا کرتے تھے
پی کے شرب کا پیالہ پہلے

سراج الدین ظفر

اٹھو زمانے کے آشوب کا ازالہ کریں
بنام گل بدناں رخ سوئے پیالہ کریں
بیاد دیدۂ مخمور پر پیالہ کریں
اٹھو کہ زہر کا پھر زہر سے ازالہ کریں

مجید امجد

چکیدِ اشکِ فراواں سے ہے کشیدِ شراب
جہانِ قیصر و جم میں تہی پیالہ پھرو