حیدر علی آتش

قد صنم سا اگر آفریدہ ہونا تھا
نہ سرو باغ کو اتنا کشیدہ ہونا تھا

مصحفی غلام ہمدانی

مرغان باغ میں مرے نالے کا شور ہے
ہر چند میں ابھی نفس نا کشیدہ ہوں
پہنچے سزا کو اپنی جو منہ پر مرے چڑھے
میں دست روزگار میں تیغ کشیدہ ہوں

باقی صدیقی

اس کی ہر اک ادائے رنگیں کو
زندگی پر خط کشیدہ کہیں

خواجہ میر درد

کھینچے ہے دور آپ کو میری فروتنی
افتادہ ہوں پہ سایۂ قد کشیدہ ہوں

سراج الدین ظفر

کوئی رنج ہے نہ شکایتیں مجھے اپنے ہوش پریدہ سے
یہ وہ شمع تھی جو بھڑک اٹھی مری آہ نیم کشیدہ سے

عرفان صدیقی

اب تک دہی دھج او نارسیدہ
سینہ کشادہ گردن کشیدہ