حیدر علی آتش

مجھے زعفران سے زرد تر غم ہجرِ یار نے کر دیا
نہیں ایسا کوئی زمانہ میں مرے حال پر جو ہنسا نہیں

داغ دہلوی

ہم کو چھیڑوگے تو پچھتاؤ گے
ہنسنے والوں سے ہنسا کرتے ہیں
روتے ہیں غیر کا رونا پہروں
یہ ہنسی مجھ سے ہنسا کرتے ہیں

یگانہ چنگیزی

گناہ زندہ دلی کہیے یا دل آزاری
کسی پہ ہنس لیے اتنا کہ پھر ہنسا نہ گیا

جون ایلیا

صلیبِ وقت پر میں نے پکارا تھا محبت کو
مری آواز جس نے بھی سنی ہو گی ہنسا ہو گا

خواجہ میر درد

جگ میں کوئی نہ ٹک ہنسا ہو گا
کہ نہ ہنستے میں رو دیا ہو گا

رئیس فروغؔ

اپنے ہی ایک روپ سے تازہ سخن کے درمیاں
میں کسی بات پر ہنسا پھر مجھے نیند آ گئی

اختر شیرانی

تیری فرقت میں مرے شعر ہیں کتنے غمگیں
مسکراتی ہوئی نظروں سے ہنسا دے آ کر

بشیر بدر

جب سحر چپ ہو ہنسا لو ہم کو
جب اندھیرا ہو جلا لو ہم کو

شاذ تمکنت

وہ لاکھ غم سہی ایسا نہیں یہ دنیا ہے
کہ شاذؔ اس سے بچھڑ کر کبھی ہنسا ہی نہ ہو

قیوم نظر

پہلے تو نہ یوں کبھی ہوا تھا
تو بھی مجھے دیکھ کر ہنسا ہے

ناصر کاظمی

روتے روتے کون ہنسا تھا
بارش میں سورج نکلا تھا