حیدر علی آتش

مجھے زعفران سے زرد تر غم ہجرِ یار نے کر دیا
نہیں ایسا کوئی زمانہ میں مرے حال پر جو ہنسا نہیں

داغ دہلوی

ہم کو چھیڑوگے تو پچھتاؤ گے
ہنسنے والوں سے ہنسا کرتے ہیں
روتے ہیں غیر کا رونا پہروں
یہ ہنسی مجھ سے ہنسا کرتے ہیں

یگانہ چنگیزی

گناہ زندہ دلی کہیے یا دل آزاری
کسی پہ ہنس لیے اتنا کہ پھر ہنسا نہ گیا

جون ایلیا

صلیبِ وقت پر میں نے پکارا تھا محبت کو
مری آواز جس نے بھی سنی ہو گی ہنسا ہو گا

خواجہ میر درد

جگ میں کوئی نہ ٹک ہنسا ہو گا
کہ نہ ہنستے میں رو دیا ہو گا