حیدر علی آتش

ہر قطرۂِ خوں سوزِ دروں سے ہے اک اخگر
جلاد کی تلوار میں پڑ جائیں گے چھالے

شکیب جلالی

طے کی ہے ہم نے صورتِ مہتاب راہِ شب
طولِ سفر سے پاؤں میں چھالے ہوئے نہیں

جلیل مانک پوری

تذکرہ سوزِ محبت کا کیا تھا اک بار
تا دمِ مرگ زباں سے مری چھالے نہ گئے
آج تک ساتھ ہیں سرکار جنوں کے تحفے
سر کا چکر نہ گیا پاؤں کے چھالے نہ گئے
ہم سفر ایسے وفادار کہاں ملتے ہیں
تیرے وحشی کے قدم چھوڑ کے چھالے نہ گئے

رسا چغتائی

حسن تھا اس شہر کا آوارگی
اور ہمیں تھے پاؤں کے چھالے عزیز

فانی بدایونی

یہ صحبتیں بھی دیکھیے لاتی ہیں رنگ کیا
مہمان خار پاؤں کے چھالے ہوئے تو ہیں

کلیم عاجز

سینے کے زخم پاؤں کے چھالے کہاں گئے
اے حسن تیرے چاہنے والے کہاں گئے