حیدر علی آتش

نادان نہ ہو عقل عطا کی ہے خدا نے
یوسف کی طرح تم کو کوئی بیچ نہ ڈالے

عرفان صدیقی

ہم تو زنجیرِ سفرِ شوق میں ڈالے ہوئے ہیں
ورنہ یہ انفس و آفاق کھنگالے ہوئے ہیں

جلیل مانک پوری

کوئی شب ایسی نہ گزری کہ بنا کر گیسو
سیکڑوں بل مری تقدیر میں ڈالے نہ گئے

سیف الدین سیف

مصلحت حرفِ صداقت پہ نہ ڈالے رکھنا
تم اندھیروں میں چھپا کر نہ اجالے رکھنا
رفتۂ سیلِ بلا ہوں یہ مری عادت ہے
اپنی کشتی کسی گرداب میں ڈالے رکھنا

قابل اجمیری

زندگی کے حسین چہرے پر
غم نے کتنے حجاب ڈالے ہیں
کچھ غم زیست کا شکار ہوئے
کچھ مسیحا نے مار ڈالے ہیں
ذوق خود آ گہی نے اے قابلؔ
کتنے بت خانے توڑ ڈالے ہیں

کلیم عاجز

شانوں کو چھین چھین کے پھینکا گیا کہاں
آئینے توڑ پھوڑ کے ڈالے کہاں گئے