حیدر علی آتش

ہستی کی اسیری سے شرر سے ہیں سوا تنگ
چھوٹے تو ادھر پھر کے نہیں دیکھنے والے

مصحفی غلام ہمدانی

یہ جو اپنے ہاتھ میں دامن سنبھالے جاتے ہیں
پیچھے پیچھے ان کے ، ان پر مرنے والے جاتے ہیں
بعضوں نے تب تو شعر پہ حسرتؔ کے یوں کہا
کیا دال موٹھ بیچنے والے کی شاعری

شکیب جلالی

جب تک غمِ جہاں کے حوالے ہوئے نہیں
ہم زندگی کے جاننے والے ہوئے نہیں
تیشے کا کام ریشہِ گل سے لیا‘ شکیبؔ
ہم سے پہاڑ کاٹنے والے ہوئے نہیں

عرفان صدیقی

ہم نے کیا کیا تجھے چاہا ہے انہیں کیا معلوم
لوگ ابھی کل سے ترے چاہنے والے ہوئے ہیں

مجید امجد

ماتھے جب سجدوں سے اٹھے تو صفوں صفوں جو فرشتے تھے
سب اس شہر کے تھے اور ہم ان سب کے جاننے والے تھے
جن کے لہو سے نکھر رہی ہیں یہ سرسبز ہمیشگیاں
ازلوں سے وہ صادق جذبوں، طیب رزقوں والے تھے

زہرا نگاہ

بستی میں کچھ لوگ نرالے اب بھی ہیں
دیکھو خالی دامن والے اب بھی ہیں
دیکھو اب بھی جنسِ وفا نایاب نہیں
اپنی جان پہ کھیلنے والے اب بھی ہیں

جلیل مانک پوری

دن کی آہیں نہ گئیں رات کے نالے نہ گئے
میرے دل سوز مرے چاہنے والے نہ گئے

فانی بدایونی

کیا جانیے کہ حشر ہو کیا صبح حشر کا
بیدار تیرے دیکھنے والے ہوئے تو ہیں

کلیم عاجز

سینے کے زخم پاؤں کے چھالے کہاں گئے
اے حسن تیرے چاہنے والے کہاں گئے
برباد روزگار ہمارا ہی نام ہے
آئیں تماشا دیکھنے والے کہاں گئے

محسن احسان

میں منقش ہوں تری روح کی دیواروں پر
تو مٹا سکتا نہیں بھولنے والے مجھ کو

ناصر کاظمی

دھیان میں پھرتے ہیں ناصر
اچھی آنکھوں والے پھول