حیدر علی آتش

روئے زمیں پہ ایسا میں بسمل تپاں ہوا
اڑ کر مرا لہو شفق آسماں ہوا

سراج الدین ظفر

شوق راتوں کو ہے درپئے کہ تپاں ہو جاؤں
رقص وحشت میں اٹھوں اور دھواں ہو جاؤں

قمر جلالوی

فکریں تمام ہو گئیں برقِ تپاں سے دور
خس کم جہاں پاک غمِ آشیاں سے دور

مجید امجد

جہاں ہے اور سکوتِ نیم شب ہے
مرا قلبِ تپاں ہے اور میں ہوں

اسرار الحق مجاز

یہ جہاں بارگہ رطلِ گراں ہے ساقی
اک جہنم مرے سینے میں تپاں ہے ساقی

علی سردار جعفری

پھول کے گرد پھرو باغ میں مانند نسیم
مثل پروانہ کسی شمع تپاں تک آؤ

تلوک چند محروم

یادِ ایام شوق سے محرومؔ
دل کو اب ہم تپاں نہیں کرتے

جوش ملیح آبادی

کس سے کہیے کہ بہ ایں فکر مرا تار وجود
زخمۂ غیب سے لرزاں و تپاں ہے اب تک
کون صید گناہ ہے عمداً
کیوں جہنم تپاں ہے کیا معلوم

سیف الدین سیف

جب وجہ سکون جاں ٹھہر جائے
پھر کیسے دل تپاں ٹھہر جائے

فراق گورکھپوری

بجلی کے چمکنے میں کہاں عشق کی گرمی
وہ شعلۂ لرزاں و تپاں اور ہی کچھ ہے