داغ دہلوی

کہہ گئے طعن سے وہ آ کے مرے مرقد پر
سونے والے تجھے کس طرح سے راحت آئی

شیخ ابراہیم ذوق

درویش ہے وہی جو ریاضت میں چست ہو
تارک نہیں فقیر بھی راحت پرست ہے

مصحفی غلام ہمدانی

سدھاری قوت دل تاب اور طاقت سے کہہ دیجو
ہوئے ہیں ناتواں ہم بستر راحت سے کہہ دیجو

احسان دانش

مآل رنج و راحت دیکھتا جاتا ہے دل جتنا
تمنا ماور ائے رنج و راحت ہوتی جاتی ہے

بشیر بدر

ہم سے ہو سکتی نہیں دنیا کی دنیا داریاں
عشق کی دیوار کے سائے میں راحت ہے بہت

حسرت موہانی

بیکلی سے مجھے راحت ہو گی
چھیڑ دیں آپ عنایت ہو گی
روح نے پائی ہے تکلیف جدائی سے نجات
آپ کی یاد کو سرمایۂ راحت کر کے
ترے درد سے جس کو نسبت نہیں ہے
وہ راحت مصیبت ہے راحت نہیں ہے
ترے غم کی دنیا میں اے جان عالم
کوئی روح محروم راحت نہیں ہے
شب کا یہ حال ہے کہ تری یاد کے سوا
دل کو کسی خیال سے راحت نہ ہو سکی

شکیل بدایونی

سخت سہی ہستی کے مراحل عشق میں راحت آج بھی ہے
اے غمِ جاناں ہو نہ گریزاں تیری ضرورت آج بھی ہے
کیا شے ہے متاع غم و راحت نہ سمجھنا
جینا ہے تو جینے کی حقیقت نہ سمجھنا

فانی بدایونی

کس منہ سے غم کے ضبط کا دعویٰ کرے کوئی
طاقت بقدر حسرت راحت نہیں رہی

میرا جی

آہ میری ہے تبسم تیرا
اس لیے درد بھی راحت ہے مجھے

ناصر کاظمی

اے دل کسے نصیب یہ توفیقِ اضطراب
ملتی ہے زندگی میں یہ راحت کبھی کبھی