داغ دہلوی

یوں تو پامال ہوئے سیکڑوں مٹنے والے
پہلے گنتی میں جو آئی مری تربت آئی
آئیں گے بے شمار فرشتے عذاب کے
میدان حشر غیر کی تربت میں چاہیے
کچھ تو پڑے دباؤ دل بے قرار پر
پارا بھرا ہوا مری تربت میں چاہیے

مصحفی غلام ہمدانی

موا بھی میں تو اے یارو جو یاروں سے مرے ہووے
سلامِ شوق اس کا تم مری تربت سے کہہ دیجو

بیان میرٹھی

تیری زلفوں نے چڑھائے چلے
دل کی اس کوچہ میں تربت ہوگی

جلیل مانک پوری

سچ ہے احسان کا بھی بوجھ بہت ہوتا ہے
چار پھولوں سے دبی جاتی ہے تربت میری
ان سے اظہارِ محبت جو کوئی کرتا ہے
دور سے اس کو دکھا دیتے ہیں تربت میری

جوش ملیح آبادی

سیر مہتاب و کواکب سے تبسم تابکے
رو رہی ہے وہ کسی کی شمع تربت دیکھیے
اس سے بڑھ کر اور عبرت کا سبق ممکن نہیں
جو نشاط زندگی تھے ان کی تربت دیکھیے

فانی بدایونی

عبرت نے بیکسی کا نشاں بھی مٹا دیا
اڑتی تھی جس پہ خاک وہ تربت نہیں رہی