داغ دہلوی

نہ محبت کو جانتے ہو تم
نہ مروت کو دیکھتا ہوں میں
حسن کی تم پر حکومت ہو گئی
ضبط آنکھوں کی مروت ہو گئی

جون ایلیا

یہ کچھ آسان تو نہیں ہے کہ ہم
روٹھتے اب بھی ہیں مروت میں

عرفان صدیقی

اب تک جو ترے دستِ ستم میں ہے وہ تلوار
اک بار مرے دست مروت میں تو آئے

بیان میرٹھی

کھا گئے نرگس شہلا کا فریب
کہ ان آنکھوں میں مروت ہوگی

حسرت موہانی

تغافل کا شکوہ کروں ان سے کیونکر
وہ کہہ دیں گے تو بے مروت نہیں ہے
ان سے میں اپنے دل کا تقاضا نہ کر سکا
یہ بات تھی خلاف مروت نہ ہو سکی

رسا چغتائی

ہم یوں ہی مبتلا سے رہتے ہیں
یا کسی آنکھ کی مروت ہے

شاد عظیم آبادی

اسی کے ہاتھ سے کیا کیا سہا سہنا ہے کیا کیا کچھ
الٰہی دو جہاں میں منہ ہو کالا اس مروت کا

فراق گورکھپوری

مطلب چشم مروت مجھے معلوم نہ تھا
تجھ کو مجھ سے تھی شکایت مجھے معلوم نہ تھا