داغ دہلوی

ضعف رخصت نہیں دیتا افسوس
سامنے ہے درِ دلدار یہ کیا

مصطفٰی خان شیفتہ

وا رہیں صورتِ آغوش، سحر تک آنکھیں
شوقِ ہم خوبیِ دلدار نے سونے نہ دیا

فیض احمد فیض

سر خوشی میں یونہی دل شاد و غزل خواں گزرے
کوئے قاتل سے کبھی کوچۂ دلدار سے ہم

شکیب جلالی

میری نظروں میں چراغاں کا سماں رہتا ہے
میں کہیں جاؤں ‘ مرے ساتھ ہے دلدار کا شہر
حسرتِ دادِ نہاں ہے مرے دل میں شاید
یاد آتی ہے مجھے قامتِ دلدار اب تک

عرفان صدیقی

حیراں ہوں کہ پھر اس نے نہ کی صبر کی تاکید
بازو جو مرا بازوئے دلدار میں آیا

شکیل بدایونی

نظر کو جرأت تکمیل بندگی نہ ہوئی
طواف کوچۂ دلدار کر کے چھوڑ دیا

احمد فراز

فراز اس دشمنِ جاں سے گلہ کیا
ہمیشہ سے رہے دلدار قاتل
چلو کہ کوچۂ دلدار چل کے دیکھتے ہیں
کسے کسے ہے یہ آزار چل کے دیکھتے ہیں

مجروح سلطان پوری

سیدھی ہے راہِ شوق پہ یوں ہی کہیں کہیں
خم ہو گئی ہے گیسوئے دلدار کی طرح