داغ دہلوی

نہ آئے راہ پہ وہ عجزِ بے شمار کیا
شبِ وصال بھی میں نے تو انتظار کیا
اپنی تسبیح رہنے دے زاہد
دانہ دانہ شمار کون کرے

فیض احمد فیض

تیری رنجش کی انتہا معلوم
حسرتوں کا مری شمار نہیں

مرزا رفیع سودا

پانی نہیں دیتے اس کو ظالم
جو زخمی بے شمار ہووے

باقی صدیقی

تری نگاہِ کرم کی امید ہے ورنہ
میرے گناہوں کا یا رب کوئی شمار نہیں

عبدالحمید عدم

چھیڑو تو اس حسین کو چھیڑو جو یار ہو
ایسی خطا کرو جو ادب میں شمار ہو

قمر جلالوی

اتنے ہوئے ہیں جمع مری قبر پر قمر
تاروں کی طرح ہو نہیں سکتے شمار پھول

عرفان صدیقی

پہلے ہم پچھلی رتوں کے درد کا کر لیں حساب
اس برس کے سارے زخموں کا شمار اگلے برس

اکبر معصوم

کوئی تو وصل کی ساعت ہو جو ٹھہر جائے
کوئی تو سانس لوں ایسی کہ جو شمار نہ ہو

آنس معین

میں سوچتا رہا کل رات بیٹھ کر تنہا
کہ اس ہجوم میں میرا شمار کم ہوگا

بہزاد لکھنوی

شامِ فراق قلب کے داغوں کو گن لیا
تاروں کو بھی شمار کیا ہائے کیا کیا

علی سردار جعفری

گزرے ہیں نگاہ و دل سے ہو کر
ہر طرح کے بے شمار چہرے

احمد راہی

لمحہ لمحہ شمار کون کرے
عمر بھر انتظار کون کرے
شہید جذبوں کی فہرست کیا مرتب ہو
شمار میں جو نہیں بے شمار وہ بھی ہیں

تلوک چند محروم

تڑپ رہا ہوں میں اپنے گناہ گن گن کر
اسی کا نام ہو روز شمار کیا جانے

سیماب اکبر آبادی

کیا جانے رحمتوں نے لیا کس طرح حساب
دو چار بھی گناہ نہ نکلے شمار میں

فراق گورکھپوری

خود تجھے بھی ہوئی نہ جن کی خبر
ان جفاؤں کا کچھ شمار بھی ہے

قابل اجمیری

خیالِ خاطرِ احباب اور کیا کرتے
جگر پہ زخم بھی کھائے شمار بھی نہ کیا

محسن نقوی

جو لوگ چاہیں تو پھر تمہیں یاد بھی نہ آئیں
کبھی کبھی تم مجھے بھی ان میں شمار کرنا