داغ دہلوی

کھلتا نہیں ہے راز ہمارے بیان سے
لیتے ہیں دل کا کام ہم اپنی زبان سے
کیا لذت وصال ادا ہو بیان سے
سب حرف چپکے جاتے ہیں میری زبان سے
مشہور رازِ عشق ہے کس کے بیان سے
میری زبان سے کہ تمہاری زبان سے
خار حسرت بیان سے نکلا
دل کا کانٹا زبان سے نکلا

مصحفی غلام ہمدانی

رفتہ رفتہ ہائے اس کا اور عالمِ ہو گیا
نظم سے اپنی گرا نظم بیان ریختہ
غمِ دل کا بیان چھوڑ گئے
ہم یہ اپنا نشان چھوڑ گئے

مومن خان مومن

برنگ صورت بلبل نہیں نوا سنجی
یہ کیا ہوا کہ چپ اے گلستاں بیان لگی

میر مہدی مجروح

کربت غربت و‌ تنہائی و شب ہائے دراز
اور مجروحؔ دل افگار بیان دہلی

مرزا رفیع سودا

بے ثباتی زمانے کی ناچار
کرنی مجھ کو بیان پڑتی ہے

جون ایلیا

میری ہر بات بے اثر ہی رہی
نقص ہے کچھ مرے بیان میں کیا