داغ دہلوی

مطلب کی کہہ رہے ہیں وہ دانا ہمیں تو ہیں
مطلب کی پوچھتے ہو وہ ناداں تمہیں تو ہو

شیخ ابراہیم ذوق

اے دل اس کے تیر کے ہم راہ سینے سے نکل
ورنہ پچھتائے گا تو یہ ساتھ ناداں چھوڑ کر

مصحفی غلام ہمدانی

دل اس سے تو مانگے ہے عبث مصحفیؔ ہر دم
کیا فائدہ اصرار کا ناداں نہ ملے گا

مومن خان مومن

ناصحا دل میں تو اتنا تو سمجھ اپنے کہ ہم
لاکھ ناداں ہوئے کیا تجھ سے بھی ناداں ہوں گے

باقی صدیقی

جو کہہ سکیں تو کیجیے یہ کاروبار زیست
جو کہہ رہا ہے یہ دلِ ناداں خریدیے

عرفان صدیقی

صرف اتنا کہ بڑی چیز ہے ملنا دل کا
ہم کوئی بات سمجھتے نہیں ناداں جو ہیں