داغ دہلوی

مریضان الفت کی کیا بے کسی ہے
مسیحا کو بھی چارہ فرما نہ دیکھا

مصحفی غلام ہمدانی

نام کا اس کے جو میں کہہ کے معما بھیجا
یہ بھی حرکت ہے بری اس نے یہ فرما بھیجا

جون ایلیا

بڑا احسان ہم فرما رہے ہیں
کہ ان کے خط انہیں لوٹا رہے ہیں

خواجہ میر درد

تجھی کو جو یاں جلوہ فرما نہ دیکھا
برابر ہے دنیا کو دیکھا نہ دیکھا

عبدالحمید عدم

ذرا آواز دینا زندگی کو
عدمؔ ارشاد کچھ فرما رہا ہے
دل ڈوب نہ جائیں پیاسوں کے تکلیف ذرا فرما دینا
اے دوست کسی مے خانے سے کچھ زیست کا پانی لا دینا

الطاف حسین حالی

جنوں کار فرما ہوا چاہتا ہے
قدم دشت پیما ہوا چاہتا ہے

رئیس فروغؔ

رات اور دن کے بیچ کہیں پر جاگے سوئے رستوں میں
میں تم سے اک بات کہوں گا تم بھی کچھ فرما دینا

اسرار الحق مجاز

تسکینِ دلِ محزوں نہ ہوئی وہ سعی کرم فرما بھی گئے
اس سعی کرم کو کیا کہیے بہلا بھی گئے تڑپا بھی گئے

ضیا جالندھری

نگاہوں میں یہ کیا فرما گئی ہو
مری سانسوں کے تار الجھا گئی ہو