داغ دہلوی

گیا کارواں چھوڑ کر مجھ کو تنہا
ذرا میرے آنے کا رستا نہ دیکھا

مصحفی غلام ہمدانی

زخمِ دل سے مجھ کو اک آتی ہے بوئے انس سی
اس کے کوچے کی طرف شاید یہ رستا جائے ہے

ادا جعفری

انگلی تھام کے چلنے والا
نگری کا رستا کیا جانے

احمد راہی

درد وہ آگ کہ بجھتی نہیں جلتی بھی نہیں
یاد وہ زخم کہ بھرتا نہیں رستا بھی نہیں

حفیظ جالندھری

عقل کی وادی میں ہوں گم کردۂ مقصود عشق
ڈھونڈتا ہوں اور نہیں ملتا کوئی رستا مجھے

اختر ہوشیارپوری

تمام شہر رواں ہے مرے تعاقب میں
میں آپ کیا مرے گھر کی طرف کو رستا کیا

احمد فراز

ایک دیوانہ یہ کہتے ہوئے ہنستا جاتا
کاش منزل سے بھی آگے کوئی رستا جاتا

میرا جی

نگری نگری پھرا مسافر گھر کا رستا بھول گیا
کیا ہے تیرا کیا ہے میرا اپنا پرایا بھول گیا