داغ دہلوی

ہم نکمے ہوئے زمانے کے
کام ایسا سکھا دیا تو نے

عبدالحمید عدم

صدق و صفا نے مجھ کو کیا ہے بہت خراب
مکر و ریا ضرور سکھا دیجیے مجھے

احسان دانش

جہانِ نو میں برنگ کشاکش پیہم
حیاتِ نو کے سلیقے سکھا رہا ہے کوئی

عبید اللہ علیم

بچوں کی طرح یہ لفظ میرے
معبود انہیں بولنا سکھا دے

سیماب اکبر آبادی

دلِ فسردہ کی باتوں پہ یہ تبسم ناز
کلی کو پھول بنانا سکھا رہا ہے کوئی

کیفی اعظمی

اس کو مذہب کہو یا سیاست کہو
خودکشی کا ہنر تم سکھا تو چلے