داغ دہلوی

لب اتر آئے ہیں وہ تعریف پر
ہم جو عادی ہو گئے دشنام کے

مصطفٰیٰ خان شیفتہ

تاب بوسے کی کسے شیفتہ وہ دیں بھی اگر
کر چکی کام یہاں لذتِ دشنام اپنا
دشمن پسِ دشنام بھی ہے طالبِ بوسہ
محو اثر لذتِ دشنام نہ ہو گا

مرزا رفیع سودا

مطلوب دعا حق میں نہیں اپنے کسو کی
طالب لب محبوب سے دشنام کا ہوں میں

عبدالحمید عدم

دعائیں دے کے جو دشنام لیتے رہتے ہیں
وہ جام دیتے ہیں اور جام لیتے رہتے ہیں

عزیز حامد مدنی

اے شہر خرد کی تازہ ہوا وحشت کا کوئی انعام چلے
کچھ حرفِ ملامت اور چلیں کچھ ورد زباں دشنام چلے