داغ دہلوی

تم نہیں جانتے اب تک یہ تمہارے انداز
وہ مرے دل میں سمائے ہیں کہ جی جانتا ہے

یگانہ چنگیزی

پہاڑ کاٹنے والے زمیں سے ہار گئے
اسی زمین میں دریا سمائے ہیں کیا کیا

جگر مراد آبادی

نیاز و ناز کے جھگڑے مٹائے جاتے ہیں
ہم ان میں اور وہ ہم میں سمائے جاتے ہیں

شکیب جلالی

دشت و صحرا اگر بسائے ہیں
ہم گلستاں میں کب سمائے ہیں

اسرار الحق مجاز

ذکر ان کا گر زباں پہ نہیں ہے تو کیا ہوا
اب تک نفس نفس میں سمائے ہوئے تو ہیں

عبید اللہ علیم

یہی چہرے مرے ہونے کی گواہی دیں گے
ہر نئے حرف میں جاں اپنی سمائے جاؤں

شکیل بدایونی

کیسی بہار کس کے ستارے کہاں کے پھول
جب تم نہیں تو دیدہ و دل میں کون سمائے کون
ہر گوشۂ نظر میں سمائے ہوئے ہو تم
جیسے کہ مرے سامنے آئے ہوئے ہو تم

فراق گورکھپوری

بقدر ذوقِ نظر دید حسن کیا ہو مگر
نگاہِ شوق میں جلوے سمائے ہیں کیا کیا
ترے خلوص نہاں کا تو آہ کیا کہنا
سلوک اچٹے بھی دل میں سمائے ہیں کیا کیا

کلیم عاجز

جو اکڑ کے شان سے جائے ہے پیار سے یہ بتائے جا
کہ بلندیوں کی ہے آرزو تو دلوں میں پہلے سمائے جا