داغ دہلوی

تم ملاؤ گے خاک میں ہم کو
دل ملانا نظر نہیں آتا

عبدالحمید عدم

چاہا تھا کہ ان کی آنکھوں سے کچھ رنگ بہاراں لے لیجے
تقریب تو اچھی تھی لیکن دو آنکھ ملانا بھول گئے

اسرار الحق مجاز

جگر اور دل کو بچانا بھی ہے
نظر آپ ہی سے ملانا بھی ہے

سلام مچھلی شہری

وہ دل سے تنگ آ کے آج محفل میں حسن کی تمکنت کی خاطر
نظر بچانا بھی چاہتے ہیں نظر ملانا بھی چاہتے ہیں

سیماب اکبر آبادی

یہ دور ترقی ہے رفعت کا زمانہ ہے
ذروں کو اٹھانا ہے تاروں سے ملانا ہے