داغ دہلوی

وہ نادان ان جان بھولے ہیں ایسے
کہ سب شیوۂِ دشمنی جانتے ہیں
خدا جب دوست ہے اے داغؔ کیا دشمن سے اندیشہ
ہمارا کچھ کسی کی دشمنی سے ہو نہیں سکتا

قمر جلالوی

تعلق مجھ سے کیا اے درد کیوں مجھ کو ستاتا ہے
نہ تجھ سے دوستی میری نہ تجھ سے دشمنی میری

مجید امجد

کیا روپ دوستی کا؟ کیا رنگ دشمنی کا؟
کوئی نہیں جہاں میں کوئی نہیں کسی کا

بیخود بدایونی

درد دل میں کمی نہ ہو جائے
دوستی دشمنی نہ ہو جائے

جلیل مانک پوری

ہیں وہی مجھ سے کاوشیں دل کی
دوست کی دشمنی نہیں جاتی

قابل اجمیری

زمانہ دوست ہے کس کس کو یاد رکھوگے
خدا کرے کہ تمہیں مجھ سے دشمنی ہو جائے

کیف بھوپالی

ادھر آ رقیب میرے میں تجھے گلے لگا لوں
مرا عشق بے مزا تھا تری دشمنی سے پہلے

محبوب خزاں

اسی کا شکوہ ہر دم اسی کا ذکر سب سے
اگر یہ دشمنی ہے تو اچھی دشمنی ہے

نوح ناروی

گفتگو ان کی دوستی میں ہے
شک ہمیں ان کی دشمنی میں نہیں