داغ دہلوی

وہ نادان ان جان بھولے ہیں ایسے
کہ سب شیوۂِ دشمنی جانتے ہیں
خدا جب دوست ہے اے داغؔ کیا دشمن سے اندیشہ
ہمارا کچھ کسی کی دشمنی سے ہو نہیں سکتا

قمر جلالوی

تعلق مجھ سے کیا اے درد کیوں مجھ کو ستاتا ہے
نہ تجھ سے دوستی میری نہ تجھ سے دشمنی میری

مجید امجد

کیا روپ دوستی کا؟ کیا رنگ دشمنی کا؟
کوئی نہیں جہاں میں کوئی نہیں کسی کا

بیخود بدایونی

درد دل میں کمی نہ ہو جائے
دوستی دشمنی نہ ہو جائے