داغ دہلوی

ایسے سے جو داغ نے نباہی
سچ ہے کہ یہ کام تھا اسی کا
ایسے سے جو داگ نے نباہی
سچ ہے کہ یہ کام تھا اسی کا

مصحفی غلام ہمدانی

مرا دل لگا ہے جس سے مرا جی گیا ہے جس پر
مری کیوں کہ زندگی ہو جو اسی کو میں نہ دیکھوں

مومن خان مومن

رویا کریں گے آپ بھی پہروں اسی طرح
اٹکا کہیں جو آپ کا دل بھی مری طرح
لگتی ہیں گالیاں بھی ترے منہ سے کیا بھلی
قربان تیرے پھر مجھے کہہ لے اسی طرح
ہوں جاں بہ لب بتان ستم گر کے ہاتھ سے
کیا سب جہاں میں جیتے ہیں مومنؔ اسی طرح

جون ایلیا

سب دلیلیں تو مجھ کو یاد رہیں
بحث کیا تھی اسی کو بھول گیا
خواب ہا خواب جس کو چاہا تھا
رنگ ہا رنگ اسی کو بھول گیا
سب برے مجھ کو یاد رہتے ہیں
جو بھلا تھا اسی کو بھول گیا
اس نے گویا مجھی کو یاد رکھا
میں بھی گویا اسی کو بھول گیا

جگر مراد آبادی

مل کے بھی جو کبھی نہیں ملتا
ٹوٹ کر دل اسی سے ملتا ہے

قمر جلالوی

جا تو رہے ہو موسیٰ دیدار کی خوشی میں
اوپر نظر نہ اٹھے بس خیر ہے اسی میں

مصطفی زیدی

سیج مہکی بدن سے شرما کر
یہ ادا بھی اسی سے ملتی ہے

احمد فراز

عاشقی بے دلی سے مشکل ہے
پھر محبت اسی سے مشکل ہے
جس کو سب بے وفا سمجھتے ہوں
بے وفائی اسی سے مشکل ہے

فراق گورکھپوری

احباب سے رکھتا ہوں کچھ امید شرافت
رہتے ہیں خفا مجھ سے بہت لوگ اسی سے
اک دل کے سوا پاس ہمارے نہیں کچھ بھی
جو کام ہو لے لیتے ہیں ہم لوگ اسی سے

ناصر کاظمی

چاند نکلا تو ہم نے وحشت میں
جس کو دیکھا اسی کو چوم لیا