مرزا غالب

وہ میری چینِ جبیں سے غمِ پنہاں سمجھا
رازِ مکتوب بہ بے ربطی عنواں سمجھا
نہیں اقلیم الفت میں کوئی طومار ناز ایسا
کہ پشت چشم سے جس کی نہ ہووے مہر عنواں پر
پھر چاہتا ہوں نامۂِ دلدار کھولنا
جاں نذر دلفریبی عنواں کیے ہوئے

فیض احمد فیض

دل میں وہ آگ فروزاں ہے عدو جس کا بیاں
کوئی مضموں کسی عنواں نہیں کرنے دیتے

باقی صدیقی

کیوں لفظِ بے صدا ہوئے ، کیوں حف بجھ گئے
کیا ہم کسی فسانیکا عنواں نہیں رہے

بہزاد لکھنوی

جب ان کا نام آ گیا ہم مضطرب ہوئے
آہوں کو اپنی زیست کا عنواں بنا لیا

ماجد صدیقی

قصۂ دہر کا عنواں ہونا
ہے میسر مجھے انساں ہونا

جوش ملیح آبادی

لے سے نکل پڑی ہے کبھی ہچکیوں کی فوج
آہیں بنی ہیں راگ کا عنواں کبھی کبھی

عزیز حامد مدنی

کرم کا اور ہے امکاں کھلے تو بات چلے
اس التفات کا عنواں کھلے تو بات چلے

فانی بدایونی

بے اجل کام نہ اپنا کسی عنواں نکلا
دم تو نکلا مگر آزردۂ احساں نکلا

احمد فراز

اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں

شاذ تمکنت

شکر کرم بھی شکوۂ غم بھی سارے عنواں آپ ہوئے
مجھ پہ توجہ آپ نے کی تھی مجھ سے گریزاں آپ ہوئے

ناصر کاظمی

پھر نئی فصل کے عنواں چمکے
ابر گرجا گلِ باراں چمکے
پھر کوئی دل کو دکھائے ناصر
کاش یہ گھر کسی عنواں چمکے