داغ دہلوی

حضرتِ داغ جہاں بیٹھ گئے ، بیٹھ گئے
اور ہوں گے تری محفل سے ابھرنے والے

فیض احمد فیض

صبا سے کرتے ہیں غربت نصیب ذکرِ وطن
تو چشمِ صبح میں آنسو ابھرنے لگتے ہیں

باقی صدیقی

ہر موج تمنا ہے سراب یمِ ہستی
ہم پیاس کے صحرا سے ابھرنے نہیں پاتے

عرفان صدیقی

شاید کہ تہہ آب ہوا کوئی سفینہ
پانی پہ نیا نقش ابھرنے کی خبر آئی

ماجد صدیقی

وہ راج ہے اس دل کے افق پر تری ضو کا
سورج کوئی اب اور ابھرنے کا نہیں ہے

جوش ملیح آبادی

جب کوئی بنتا ہے لاکھوں ہستیوں کو میٹ کر
صبح تاروں کو دباتی ہے ابھرنے کے لیے
روح کو چمکا خودی کو توڑ کر زینے بنا
دو یہ تدبیریں ہیں دنیا میں ابھرنے کے لیے
گوہر مقصود خود ملتا ہے ہمت شرط ہے
مضطرب رہتا ہے ہر موتی ابھرنے کے لیے

شکیل بدایونی

جہاں عشق میں ڈوب کر رہ گئے ہیں
وہیں پھر ابھرنے کو جی چاہتا ہے