داغ دہلوی

بازار عشق میں ہیں بہت دل جگہ جگہ
دیکھیں وہ مول لیتے ہیں کس کی دکان سے
ارزاں کرے فروخت اگر مے فروش عشق
لینے لگیں فرشتے بھی اس کی دکان سے

شیخ ابراہیم ذوق

تمہارے ہاتھ سے سینے میں دل سے تابہ جگر
سنان و خنجر و پیکاں کی ہے دکان لگی

مصطفٰیٰ خان شیفتہ

اٹھے نہ چھوڑ کے ہم آستان بادہ فروش
طلسمِ ہوش ربا ہے دکانِ بادہ فروش
فسردہ طینتی و کاہلی سے ہم نے کبھی
شباب میں بھی نہ دیکھی دکانِ بادہ فروش
تری شمیم نے گلزار کو کیا برباد
تری نگاہ نے کھولی دکانِ بادہ فروش

جون ایلیا

شام ہی سے دکان دید ہے بند
نہیں نقصان تک دکان میں کیا

شکیب جلالی

ملبوس خوش نما ہیں مگر جسم کھوکھلے
چھلکے سجے ہوں جیسے پھلوں کی دکان پر

جمال احسانی

سلگتی دوپہر میں سب دکان دار
کھلی ہی چھوڑ کر دکان سو گئے

رسا چغتائی

جس کا کوئی مول نہ گاہک
کیسی یہ دکان ہے سائیں
بادشاہ اور فقیر دونوں تھے
شہر میں اک دکان کے آگے

شاد عظیم آبادی

متاعِ بے بہا سے کم نہ جان اے چشم اشکوں کو
یہی رونا ترا خالی تری دکان کر دے گا