داغ دہلوی

مزا جو اضطراب شوق سے عاشق کو ہے حاصل
وہ تسلیم و رضا و بندگی سے ہو نہیں سکتا

مصحفی غلام ہمدانی

غزل خوانی کر اب اے مصحفیؔ ترک
ہوا قد خم یہ وقت بندگی ہے

مومن خان مومن

صاحب نے اس غلام کو آزاد کر دیا
لو بندگی کہ چھوٹ گئے بندگی سے ہم

احسان دانش

عشرت خلد کے لیے زاہد کج نظر جھکے
مشرب عشق میں تو یہ جرم ہے بندگی نہیں
تیرے سوا کروں پسند کیا تری کائنات میں
دونوں جہاں کی نعمتیں قیمت بندگی نہیں
دیر و کعبہ سے پیاسی جبینیں لیے
آ گئے ہم تری بندگی کی طرف
بڑی بے چارگی نکلی بہت ہی نارسی پائی
ازل کے روز بڑھ کر لے تو لی تھی بندگی ہم نے

بیخود بدایونی

اپنی خوئے وفا سے ڈرتا ہوں
عاشقی بندگی نہ ہو جائے

زہرا نگاہ

جہانِ نو کا تصور حیاتِ نو کا خیال
بڑے فریب دیے تم نے بندگی کے لیے

سلام مچھلی شہری

تمہارا جسم معبد تصور نشاط ہے
مفکر بہار کی یہ بندگی قبول ہو

سیماب اکبر آبادی

یہی عالم رہا پردہ نشینی کا تو ظاہر ہے
خدائی آپ سے ہو گی نہ ہم سے بندگی ہو گی