داغ دہلوی

قیامت آئی شبِ وصل میرے گھر کے پاس
رقیب نے اسے آواز دی اذاں کی طرح

مصحفی غلام ہمدانی

صبح خیزوں کو بھی موت آ گئی کیا ہجر کی شب
مرغ بولے ہے نہ ملا ہی اذاں دیتا ہے

قمر جلالوی

خدا کی شان تجھے یوں مری فغاں سے گریز
کہ جس طرح کسی کافر کو ہو اذاں سے گریز

اسرار الحق مجاز

زمزمہ ساز کا پائل کی چھناکے کی طرح
بہتر از شورش ناقوس و اذاں ہے ساقی

تلوک چند محروم

کفر و دیں میں اتحاد جاؤداں پیدا کریں
نالۂ ناقوس سے بانگ اذاں پیدا کریں

جوش ملیح آبادی

کب سے ہوں بستۂ ناقوس و مزامیر بتاں
پھر بھی سینے میں کوئی گرم اذاں ہے اب تک