شیخ ابراہیم ذوق

دل سینے میں کہاں ہے نہ تو دیکھ بھال کر
اے آہ کہہ دے تیر کا نامہ نکال کر

جون ایلیا

ہو چکا میں سو فکر یاروں کو
اب مری دیکھ بھال کی ہو گی

عبدالحمید عدم

دل ہے بڑی خوشی سے اسے پائمال کر
لیکن ترے نثار ذرا دیکھ بھال کر
زلف برہم سنبھال کر چلئے
راستہ دیکھ بھال کر چلئے

تلوک چند محروم

چلے ہیں طور کو موسیٰ مگر ہمیں مطلب
کہ ہم بتوں ہی میں یہ دیکھ بھال کر بیٹھے

رسا چغتائی

آ گئے ہو تو اس خرابے میں
اب قدم دیکھ بھال کر رکھنا

سیماب اکبر آبادی

دل کی بساط کیا تھی نگاہ جمال میں
اک آئینہ تھا ٹوٹ گیا دیکھ بھال میں

محسن احسان

شکستہ آئنہ ہیں ہم کو ریزہ ریزہ اٹھا
کہ چور چور ہوئے دل کی دیکھ بھال میں ہم