مرزا غالب

محبت تھی چمن سے لیکن اب یہ بے دماغی ہے
کہ موجِ بوئے گل سے ناک میں آتا ہے دم میرا

انشاء اللہ خان انشا

میم بھی یوں ہی ہے اور نون کے اندر نقطہ
مفلسا بیگ ہے یہ واؤ بھی اور چھوٹی ہے

فیض احمد فیض

ادائے حسن کی معصومیت کو کم کر دے
گناہ گار نظر کو حجاب آتا ہے
وقف حرمان و یاس رہتا ہے
دل ہے اکثر اداس رہتا ہے
تم تو غم دے کے بھول جاتے ہو
مجھ کو احساں کا پاس رہتا ہے
فضائے دل پر اداسی بکھرتی جاتی ہے
فسردگی ہے کہ جاں تک اترتی جاتی ہے
فریب زیست سے قدرت کا مدعا معلوم
یہ ہوش ہے کہ جوانی گزرتی جاتی ہے

باقی صدیقی

ہوئے آزاد لیکن آ رہی ہے
قفس کی بو ابھی تک بال و پر سے
عشق اب اپنی حفاظت خود کرے
حسن اپنے آپ سے بیگانہ ہے
پرسشِ حال بھی رہنے دیجے
اس تکلف کی ضرورت کیا ہے