شیخ ابراہیم ذوق

جب کہا مرتا ہوں وہ بولے مرا سر کاٹ کر
جھوٹ کو سچ کر دکھانا کوئی ہم سے سیکھ جائے

میر مہدی مجروح

میں تو کیا اس سے تو موسیٰ بھی نہ سر بر آئے
امتحاناً ہمیں جلوہ نہ دکھانا ہرگز
میں ہوں اک مجمع احباب کا بچھڑا گلچیں
مجھ کو گلدستۂِ رنگیں نہ دکھانا ہرگز

جگر مراد آبادی

تصویر کے دو رخ ہیں جاں اور غمِ جاناں
اک نقش چھپانا ہے اک نقش دکھانا ہے

عرفان صدیقی

کیسے اس شخص سے تعبیر پہ اصرار کریں
جو کوئی خواب دکھانا بھی نہیں چاہتا ہے

الطاف حسین حالی

صحبتیں اگلی مصور ہمیں یاد آئیں گی
کوئی دلچسپ مرقع نہ دکھانا ہرگز

سیف الدین سیف

ابھی منکر عشق ہے یہ زمانہ
جو دیکھا ہے ان کو دکھانا پڑے گا

شکیل بدایونی

وفا کا یوں تو دم بھرتے ہیں اس دنیا میں سب لیکن
وفا کے نام پر مٹ کر دکھانا کس کو آتا ہے