شیخ ابراہیم ذوق

واں ہلے ابرو یہاں پھیری گلے پر ہم نے تیغ
بات کا ایما سے پانا کوئی ہم سے سیکھ جائے

اسرار الحق مجاز

محبت کا ہر بھید پانا بھی ہے
مگر اپنا دامن بچانا بھی ہے

شان الحق حقی

بیت گیا جو یاد میں تیری اک اک لمحے کا ہے دھیان
الفت میں جی ہارنا کیسا جو کھویا سب پانا ہو گا

امیر مینائی

جب تلک ہست تھے ، دشوار تھا پانا تیرا
مٹ گئے ہم، تو ملا ہم کو ٹھکانا تیرا

فراق گورکھپوری

یہی ہوا کہ فریب امید و یاس مٹے
وہ پا گئے ترے ہاتھوں ہمیں جو پانا تھا