مرزا غالب

یہ قاتل وعدۂِ صبر آزما کیوں؟
یہ کافر فتنۂِ طاقت ربا کیا؟
اگلے وقتوں کے ہیں یہ لوگ، انہیں کچھ نہ کہو
جو مے و نغمہ کو اندوہ ربا کہتے ہیں

مصحفی غلام ہمدانی

آدھی رات آئے ترے پاس یہ کس کا ہے جگر
چونک مت اتنا کہ اے ہوش ربا ہم ہی ہیں

مصطفٰی خان شیفتہ

ناصح مری ملامتِ بے جا سے فائدہ
بے اختیار دل کو ہے اس دل ربا سے ربط

مومن خان مومن

ہم کو ترجیح تم پہ ہے یعنی
دل ربا حسن و جاں ربا ہے عشق

میر انیس

اشارے کیا نگۂ ناز دل ربا کے چلے
ستم کے تیر چلے نیمچے قضا کے چلے

عبدالحمید عدم

دل کی طلب پڑی ہے تو آیا ہے یاد اب
وہ تو چلا گیا تھا کسی دل ربا کے ساتھ

بشیر بدر

حسیں تو اور ہیں لیکن کوئی کہاں تجھ سا
جو دل جلائے بہت پھر بھی دل ربا ہی لگے

بیخود بدایونی

آفت میں پھنسائیں گی دیوانہ بنائیں گی
وہ غالیہ سا زلفیں وہ ہوش ربا آنکھیں

جلیل مانک پوری

نقاب لاکھ چھپائے وہ چھپ نہیں سکتی
مری نظر میں جو صورت ہے دل ربا تیری

حسرت موہانی

دیوانہ کیا ساقی محفل نے سبھی کو
کوئی نہ بچا اس نظر ہوش ربا سے

احمد فراز

برسوں کے بعد دیکھا اک شخص دل ربا سا
اب ذہن میں نہیں ہے پر نام تھا بھلا سا
فرازؔ ایسے بھی لمحے کبھی کبھی آئے
کہ دل گرفتہ رہے دل ربا کے ہوتے ہوئے

محبوب خزاں

مرا غرور محبت کہ میں نہیں سمجھا
تری نظر نے کہا تھا کہ دل ربا ہوں میں

ناصر کاظمی

خیال ہی نہیں آتا کسی مصیبت کا
ترے خیال میں ہر بات غم ربا سی ہے