مصحفی غلام ہمدانی

ہے چاک کسی کا جیب و داماں
کوئی خستہ لٹا ہوا کھڑا ہے

فیض احمد فیض

نہ گنواؤ ناوکِ نیم کش، دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لٹا دیا

باقی صدیقی

جنوں کی راکھ سے منزل میں رنگ کیا آئے
متاعِ درد تو ہم راہ میں لٹا آئے

جگر مراد آبادی

انہیں کے دل سے کوئی اس کی عظمتیں پوچھے
وہ ایک دل جسے سب کچھ لٹا کے لوٹ لیا
نگاہوں کا مرکز بنا جا رہا ہوں
محبت کے ہاتھوں لٹا جا رہا ہوں

رئیس فروغؔ

تم نے خوشبو سے کبھی عہدِ وفا باندھا ہے
روشنی کو کبھی بستر میں لٹا کر دیکھو

سدرشن فاکر

اگر ہم کہیں اور وہ مسکرا دیں
ہم ان کے لیے زندگانی لٹا دیں

جلیل مانک پوری

ترے حساب میں تیری قبا کا دامن ہوں
کہ جب مزاج میں آیا چلا لٹا کے مجھے

حفیظ جالندھری

تھی نہ خزاں کی روک تھام دامن اختیار میں
ہم نے بھری بہار میں اپنا چمن لٹا دیا

شکیل بدایونی

نہ کیوں انجام الفت دیکھ کر آنسو نکل آئیں
جہاں کو لوٹنے والے خود اپنا گھر لٹا بیٹھے

احمد فراز

وہی ہم کہ جن کو عزیز تھی درِ آبرو کی چمک دمک
یہی ہم کہ روزِ سیاہ میں‌ زر داغِ دل بھی لٹا دیا