مصحفی غلام ہمدانی

کیا بگڑی ہے آج مصحفیؔ سے
اس کوچے میں شور و شر بہت ہے

یگانہ چنگیزی

خدا کی مار وہ ایام شور و شر گزرے
وہ جن سوار تھا سر پر کہ سر سے در گزرے

جوش ملیح آبادی

پھر آشنائے لذت درد جگر ہیں ہم
پھر محرم کشاکش ہر خیر و شر ہیں ہم

رسا چغتائی

نیند کیا کیجیے کہ آنکھوں میں
اک نئی جنگ خیر و شر کی ہے

شاد عظیم آبادی

ہزار شکرِ خدا کا یہی غنیمت ہے
نہ خیر آیا مرے دل کو اور شر آیا

اکبر حمیدی

شرار سنگ جو اس شور و شر سے نکلے گا
جلوس لالہ و نسریں کدھر سے نکلے گا

فراق گورکھپوری

یہ پتہ ہے اس کی عنایتوں نے خراب کتنوں کو کر دیا
یہ خبر ہے نرگس نیم وا کہ گرہ میں فتنۂ شر بھی ہے