مصحفی غلام ہمدانی

قصہ خواں بیٹھے ہیں گھیرے اس کے تئیں
داستاں اپنی سناؤں کس طرح

مصطفٰیٰ خان شیفتہ

چارۂِ غیر سے فرصت ہی نہیں
دردِ دل اس کو سناؤں کیوں کر

عرفان صدیقی

تو مرے عشق کی دنیائے زیاں کا سچ ہے
کیوں کسی اور کو افسانہ سناؤں تیرا

ماجد صدیقی

سحر کا عکس ہے ماجدؔ تری غزل کا نکھار
یہ ایک مژدۂ جاں بخش بھی سناؤں تجھے
کھلی ہے سامنے اس کے مری نظر کی کتاب
حکایت غمِ دل پڑھ کے کیا سناؤں اسے
غزل یہ اس کی سماعت کو کہہ تو دی ماجدؔ
کوئی سبیل بھی نکلے تو اب سناؤں اسے