مصحفی غلام ہمدانی

بویے مزرع دل میں جو عنایات کے بیج
تو نہ ہوں سبز کبھی اپنی شکایات کے بیج
نومید نہ ہو ہجر میں اے مصحفیؔ اس سے
دو دن کو وہی لطف و عنایات ہے اور تو

زہرا نگاہ

دیوانگی کی خیر نہ مانگیں تو کیا کریں
دیوانگی ہی راز عنایات ہو گئی

سدرشن فاکر

کچھ تو دنیا کی عنایات نے دل توڑ دیا
اور کچھ تلخیِ حالات نے دل توڑ دیا

ضیا جالندھری

ہاں مجھ پہ ستم بھی ہیں بہت وقت کے لیکن
کچھ وقت کی ہیں مجھ پہ عنایات وہ تم ہو

حسرت موہانی

اس جفا جو سے بایمائے تمنا اب تک
ہوس لطف و عنایات چلی جاتی ہے

سید ضمیر جعفری

ترقی کے رستے نہ کھلتے مگر
یہ سب دوستوں کی عنایات ہیں