مصحفی غلام ہمدانی

گر قرب سخن اس سے نہیں دور سے اے کاش
نظروں ہی میں ٹک حرف و حکایت کہیں ہو

فیض احمد فیض

شب بیت گئی ہے تو گزر جائے گا دن بھی
ہر لحظہ جو گزری وہ حکایت نہ کریں گے

عرفان صدیقی

جو دل میں ہے وہ حرف و حکایت میں تو آئے
سب سچ ہی سہی، پہلے سماعت میں تو آئے
اپنی تحریر تو جو کچھ ہے سو آئینہ ہے
رمز تحریر مگر کیسے حکایت کی جائے

احسان دانش

زباں سی لیں ترے کہنے سے لیکن اس کو کیا کیجے
شکایت جب نہیں ہوتی حکایت ہوتی جاتی ہے

رسا چغتائی

چاند کس مہ جبیں کا پرتو ہے
رات کس زلف کی حکایت ہے

شکیل بدایونی

ہر سانس ترجمان غمِ دل ہے ان دنوں
ہر آہ پردہ دار حکایت ہے آج کل

احمد فراز

اے ہم نفسو کچھ تو کہو عہد ستم کی
اک حرف سے ممکن ہے حکایت نکل آئے

فراق گورکھپوری

چشم خاموش کی بابت مجھے معلوم نہ تھا
یہ بھی ہے حرف و حکایت مجھے معلوم نہ تھا