مصحفی غلام ہمدانی

بند بھی آنکھوں کو ذری کیجیے
چند پریشاں نظری کیجیے
اک نظر ایدھر بھی ذری کیجیے
گر نہیں اچھی، نظری کیجیے

فیض احمد فیض

تھے بزم میں سب دودِ سرِ بزم سے شاداں
بے کار جلایا ہمیں روشن نظری نے

عرفان صدیقی

دل پہ یہ مشقِ ستارہ نظری آخر کیوں
پارۂ سنگ کی آئینہ گری آخری کیوں
مسافتیں کوئی دیکھے کہ ہم سرابوں تک
گمانِ خوش نظری میں کہاں سے آتے ہیں

مصطفیٰ زیدی

اک فرد کی الفت تو بڑی کم نظری ہے
ہے کس میں مگر اہلیت کم نظری بھی

حفیظ ہوشیارپوری

ہر نقش ہے آئینۂ نیرنگ تماشا
دنیا ہے کہ حاصل مری حیراں نظری کا
دل میں ہو فقط تم ہی تم آنکھوں پہ نہ جاؤ
آنکھوں کو تو ہے روگ پریشاں نظری کا
نرگس پہ تو الزام لگا بے بصری کا
ارباب گلستاں پہ نہیں کم نظری کا

فراق گورکھپوری

معلوم ہوا اور ہے اک عالم اسرار
آئینۂ ہستی کی پریشاں نظری سے

قیوم نظر

اپنا سینہ ہوا روشن تو انہیں
حسن کی کم نظری یاد آئی