مرزا غالب

یہ غزل اپنی، مجھے جی سے پسند آتی ہے آپ
ہے ردیف شعر میں غالب! ز بس تکرارِ دوست
دونوں جہان دے کے وہ سمجھے یہ خوش رہا
یاں آ پڑی یہ شرم کہ تکرار کیا کریں

انشاء اللہ خان انشا

آ جاویں ہفت خوان طلسمات سامنے
تو خیر سے انہیں بھی بہ تکرار توڑیے

حیدر علی آتش

ہکلا کے مجھ سے بات جو اس دل ربا نے کی
کس حسن سے ادا اسے تکرار نے کیا

داغ دہلوی

رقیب برسرِ پرخاش ہم سے ہوتا ہے
بڑھے گی مفت میں تکرار دیکھتے جاؤ

مصحفی غلام ہمدانی

جو کچھ پڑھا ہے ہم نے ہم آپ ہی آپ اس کی
گھر میں کیا کریں ہیں تکرار بیٹھے بیٹھے

قمر جلالوی

آج کے دن صاف ہو جاتا ہے دل اغیار کا
آؤ مل لو عید یہ موقع نہیں تکرار کا

الطاف حسین حالی

ہو چکا ناز اٹھانے میں ہے گو کام تمام
للہ الحمد کہ باہم کوئی تکرار نہیں
ہوں گے قائل وہ ابھی مطلعِ ثانی سن کر
جو تجلی میں یہ کہتے ہیں کہ تکرار نہیں

زہرا نگاہ

جب حسنِ تکلم پہ کڑا وقت پڑے تو
اور کچھ بھی نہ باقی ہو تو تکرار بہت ہے