مصحفی غلام ہمدانی

بیٹھ کر اٹھ گیا جہاں وہ شوخ
فتنہ واں جب نہ تب زمیں سے اٹھا

ضیا جالندھری

مفاہمت نہ کر ارزاں نہ ہو بھرم نہ گنوا
ہر اک نفس ہو اگر اک صلیب تب بھی نہیں

شاد عظیم آبادی

اسے باور کر اے غم خوار کب کے مر گئے ہوتے
پیام وصل جب سے سن لیا ہے تب سے جیتے ہیں
بلا بھیجیں نہ جب تک شادؔ کو وہ اپنے کوچے میں
اجارہ ہے ترا اے شوق ہاں تب تک نہیں آتا

قتیل شفائی

پشیمانی کے بعد اس کو گراؤں کیسے نظروں سے
کہ جب وہ بے وفا تھا میرے دل سے تب نہیں اترا

کلیم عاجز

ہم کو تو بے سوال ملے بے طلب ملے
ہم وہ نہیں ہیں ساقی کہ جب مانگیں تب ملے

ناصر کاظمی

حالِ دل ہم بھی سناتے لیکن
جب وہ رخصت ہوا تب یاد آیا