مصحفی غلام ہمدانی

بن لیے کام دل کا اس کو سے
مصحفیؔ ہم کوئی نکلتے ہیں

جون ایلیا

ہے وہ جان اب ہر ایک محفل کی
ہم بھی اب گھر سے کم نکلتے ہیں
بند ہے مے کدوں کے دروازے
ہم تو بس یوں ہی چل نکلتے ہیں
وہ ہے جان اب ہر ایک محفل کی
ہم بھی اب گھر سے کم نکلتے ہیں

جگر مراد آبادی

شباب و حسن میں بحث آ پڑی ہے
نئے پہلو نکلتے جا رہے ہیں

قمر جلالوی

مریضِ محبت انہیں کا فسانہ سناتا رہا دم نکلتے نکلتے
مگر ذکر شامِ الم کا جب آیا چراغِ سحر بجھ گیا جلتے جلتے

بشیر بدر

اداس آنکھوں سے آنسو نہیں نکلتے ہیں
یہ موتیوں کی طرح سیپیوں میں پلتے ہیں

عبید اللہ علیم

وہ حسن اس کا بیاں کیا کرے جو دیکھتا ہو
ہر اک ادا کے کئی قد نئے نکلتے ہوئے
اسی کے نام کی خوشبو سے سانس چلتی رہے
اسی کا نام زباں پر ہو دم نکلتے ہوئے

شکیل بدایونی

جلوۂ امن تمہیں سے ہے محبت والو
مہر تاباں کی طرح روز نکلتے رہنا

اختر ہوشیارپوری

افق افق نئے سورج نکلتے رہتے ہیں
دیے جلیں نہ جلیں داغ جلتے رہتے ہیں

احمد فراز

سکوت بن کے جو نغمے دلوں میں پلتے ہیں
وہ زخمۂ رگِ جاں توڑ کر نکلتے ہیں