مصحفی غلام ہمدانی

خواجہ قطب الدیں میں پھر گڑوا بنا کر لے گئی
یعنی ان کی نذر کو سو پھول گل لائی بسنت

قمر جلالوی

ہر اک نے دیے میرے شکوں پہ طعنے تیرے ظلم لیکن کسی نے نہ پوچھے
میری بات پر بول اٹھا زمانہ تری بات دنیا زباں پر نہ لائی
انہیں پردے کی اب سوجھی ہے اب صورت چھپائی ہے
نگاہِ شوق جب تصویر ان کی کھینچ لائی ہے

سید ضمیر جعفری

ہو نہ ہو دشت و چمن میں اک تعلق ہے ضرور
باد صحرائی بھی خوشبو میں اٹھا لائی بہت

فانی بدایونی

آئی تنہا نہ خانۂ دل میں
درد کو اپنے ساتھ لائی چوٹ

شاذ تمکنت

بارہا سرکشی و کج کلہی کے با وصف
تیرے در پر مجھے دریوزہ گری لائی ہے

میرا جی

جانی پہچانی صورت کو اب تو آنکھیں ترسیں گی
نئے شہر میں جیون دیوی نیا روپ بھر لائی ہے
دھیان کی دھن ہے امر گیت پہچان لیا تو بولے گا
جس نے راہ سے بھٹکایا تھا وہی راہ پر لائی ہے

ناصر کاظمی

شہرِ لاہور تری رونقیں دائم آباد
تیری گلیوں کی ہوا کھینچ کے لائی مجھ کو