مصحفی غلام ہمدانی

گر ناک ہو نہ منہ پر کیا لطف زندگی کا
انسان کے بدن میں یہ ناک زندگی ہے

مصطفٰیٰ خان شیفتہ

تجھ پر اے دلبر عالم جو ہر اک مرتا ہے
اس لیے مرنے سے میرے کوئی غم ناک نہیں

ضیا جالندھری

کتنی دیر اور ہے یہ بزم طرب ناک نہ کہہ
راس آتی ہے کسے گردشِ افلاک نہ کہہ
بجھ نہ جائیں کہیں دل اہل تمنا کے ضیاؔ
کیسے شعلوں سے ہے یہ جشنِ طرب ناک نہ کہہ

ظہیر کاشمیری

کتنے الھڑ سپنے تھے جو دورِ سحر میں ٹوٹ گئے
کتنے ہنس مکھ چہرے فصل بہاراں میں غم ناک ہوئے

ثروت حسین

ہر صبح نکلنا کسی دیوار طرب سے
ہر شام کسی منزل غم ناک پہ ہونا

سیماب اکبر آبادی

سیمابؔ دعا کیجیے کیا صبر و سکوں کی
شائستۂ تسکیں دل غم ناک نہیں ہے

احمد فراز

فسانہ گو بھی کرے کیا کہ ہر کوئی سرِ بزم
مآل قصۂ دل درد ناک چاہتا ہے

محسن نقوی

وہ بے سبب یوں ہی روٹھا ہے لمحہ بھر کے لیے
یہ سانحہ نہ سہی پھر بھی کرب‌ ناک ہوا