مصحفی غلام ہمدانی

اس قدر بھی تو مری جان نہ ترسایا کر
مل کے تنہا تو گلے سے کبھی لگ جایا کر
دیکھ کر ہم کو نہ پردے میں تو چھپ جایا کر
ہم تو اپنے ہیں میاں غیر سے شرمایا کر
یہ بری خو ہے دلا تجھ میں خدا کی سوگند
دیکھ اس بت کو تو حیران نہ رہ جایا کر

عبدالحمید عدم

بات کرنا بھی بادشاہت ہے
بات کرنا نہ بھول جایا کرو
ہم حسد سے عدمؔ نہیں کہتے
اس گلی میں بہت نہ جایا کرو
ہنس کے بولا کرو بلایا کرو
آپ کا گھر ہے آیا جایا کرو